Á tímum aukinnar menntunar og í raun velmegunar síðustu ára 20. aldar og upphafs þeirrar 21. streymdi á markað allskonar hindurvitnaefni. Margt afar góð afþreying. Harry Potter mun hafa ýtt undir lestur meira en nokkrir tilburðir skólakerfa. Hringadróttinn, Matrix, Stardust o.s.frv.
Á sama tíma hefur alþjóðavæðingin streymt yfir heiminn, til góðs eða ills. Við Íslendingar höfum tekið því fagnandi og bæði innbyrt erlenda strauma sem hafa umturnað samfélagi okkar og bætt það auk þess að koma okkur fyrir á erlendum vettvangi. Erlend vörumerki í fatnaði, mat og afþreyingu (Next, Elko, Ikea, Taco bell, Dominos, Paintball, Lazertag). Íslensk útflutningsvara (Eve online, Helgi Tómasson, Erró, Björk). Við stigum hikandi inn í EES og skuldbundum okkur til að lúta lagabákni ES, en afþökkuðum að fá að vera með í að móta það.
Síðan þegar skórinn kreppir að snúast mörg ríki til varnar. Það fer t.d. um mann þegar fréttir berast frá landi eins og Finnlandi um að stjórnmálaaflið Sannir Finnar hafi sigrað í kosningum. Hvað gerir Finna sérstaka? Jú, þeir eru svolítið eins og við. Tala t.d. mjög lokað tungumál. Hafa mátt standa enn harðari vörð en við um sjálfstæði sitt í aldanna rás og þar með menningu.
En hvað eiga Sannir Finnar við þegar þeir vilja taka harðar á málefnum innflytjenda? Ætla þeir að kalla heim Finna sem eru erlendis eða er þetta þessi dæmigerði einangrunarrasismi sem bara virkar í aðra áttina? Þá vekur athygli að þeir vilji ekki taka þátt í að styðja ríki ES í vanda. Það er nú þannig að finnska kreppan sem varð um 1990 er nánast fræðilegt heiti um ríki sem fór í vaskinn. Hví markaðssetja þeir ekki það hvernig ekki á að leysa slíkan vanda?
Finnar eru gott dæmi fyrir okkur því við erum svolítið eins og þeir. Höldum að við séum ein á brautinni og aðrir bílar séu bara hraðahindranir til að komast yfir. En nú er allt í lagi. Við búin að fella Ísseif og forsetinn þjóðhetja og þetta verður allt í lagi samt...
Og er það framtíðarvon okkar Íslendinga? Að vera með ráðherra í heimsreisum til að sannfæra banka og matsfyrirtæki um að allt sé í dandílagi? Hversu sannfærandi er það að hafa Steingrím hinum megin við borðið að selja svoleiðis?
Já, en Steingrímur, eru kjarasamningar ekki í uppnámi? Já, en Steingrímur sagðir þú ekki fyrir 9. apríl að allt væri í uppnámi ef Icesave yrði fellt? Já, en Steingrímur, er nokkuð að marka þjóð sem er með umsókn hjá ES sem hún vill draga til baka? Já, en Steingrímur er eitthvað að marka samfélag þar sem stjórnarskráin er bara djók, forsetinn virkar valdafíkinn, ríkisstjórnin fullkomlega klofin um öll mál, (nema það að vera í ríkisstjórn), to name but a few sillyfactors?
En þetta er allt í lagi. Hún Jóhanna segir það!
Engin ummæli:
Skrifa ummæli