Fimmtudagur, ferðalag og fleira

Þessi var í London reyndar og fjallar um netelti!

Í dag var farið í skólaheimsóknir. Við ókum frá Sliema sem leið liggur með ströndinni, oft fallegum baðströndum, að flóa Páls postula en hann mun hafa orðið skipreika og bjargaðist fyrir kraftaverk. Hann kristnaði þar með íbúa Möltu.

Við flóann stendur m.a. barnaskóli og er honum stýrt af konu. Það vakti athygli sumra að hún var á ofurháum eiturbláum platform skóm.

 

 

 

Það vakti enn meiri athygli að hlusta á hana því þarna fór skólakona og fór mikinn en á afar hógværan hátt.

Þetta eru slagorðin skólans! (myndavélin biluð).

 

 

Skólinn hefur stækkað gríðarlega á stuttum tíma og þar er um helmingur barnanna innflytjendur. Það kemur nánast barn á dag sagði skólastýran og þess vegna kennum við á ensku (annað af opinberum málum eyjarinnar) frekar en maltnesku.

 

 

Skólinn er fyrir leikskóla (fjögurra ára) upp í 9 ára sýndist mér. Hann var vinalegur og litríkur, á hurðum kennslurýma voru spjöld sem sögðu nafn kennaranna (oftast tveir í bekk) og buðu fólk velkomið. Það var vel tekið á móti okkur og á einum stað var ég sóttur af hópstjóranum því nokkur barnanna höfðu fengið mig til ráðgjafar við púsluspil og ég bara gleymdi mér.

Næst var Mosta drengjaskólinn í Mosta en þar eru drengir frá 10 ára og upp í 15 ára. Hér var verið að sýna okkur að verið væri að þróa val fyrir unglingadeildir sem tengdist starfsnámi. Skólanum á að breyta í blandaðan skóla og hefst það ferli á næsta ári. Mótttökur góðar og aftur mjög mikill metnaður og  kraftur.

Ekki fornleifagröftur heldur verið að undirbúa nám í garðyrkjufræðum - sem hefst líklega næsta ár. Allt tilbúið!

 

 

 

 

Gagnvirkar töflur mjög víða

Skólastjórinn sagði mér að yfirstjórnina skipuðu fimm kennarar og var verkaskipting ekki ósvipuð og hjá okkur í Flensborg. Kennararnira fara í þessi verkefni fulltime  og var hann sá sjötti í hópnum. Um helmingur nemenda var innflytjendur og aftur – kennt á ensku vegna aðstæðna.

Eftir smá kaffisnarl var farið í menntaskóla sem undibýr fólk undir háskóla auk þess að vera með aðra valkosti fyrir þá sem illa gengur. Aftur mjög flott en skólaímyndin alveg gríðarlega föst.

Og loks var farið í MCAST (Malta College of Arts, Sciences and technology.) sem er verið að byggja upp. Þetta er 10.000 – já tíu þúsund nemenda skóli með starfsnám svipað og IH eða TÍ en ak þess er verið að pota honum upp á háskólastig með BS gráðum í vélafræði og fleiru. Aftur að kafna úr metnaði og verulega þreyttur hópur sem komst á hótelið seint og um síðir.

Einn af þessum leiftrandi metnaðarfullu og skemmtilegu gestgjöfum!

 

 

 

 

 

Rafmagnsfræði - eins og ofar sátu nemendur í hring og horfðu á meistarann.

 

 

 

 

Myndin er úr tölvustofu og takið eftir krossinum yfir töflunni!

Lexía dagsins: Maltverjar eru svolítið vissir um að þeir séu búnir að redda þessu brotthvarfsmáli. Þeir eru að gera fjöldamargt og þar sem við komum geislaði allt af metnaði og krafti.

Svo sat ég í kvöld með skólastjóra frá Möltu og fékk hlið átaka og spennu, óvissu og sannarlega hlið sem ég skildi vel.

Enn og aftur - þetta var svo hlaðinn dagur og fróðlegur!

Hugleiðing
Maltverjar eiga, segja þeir, sól, sand og meiri sól. Þá vantar vatn og orku. Í landinu voru tvö orkuver, olíuknúin og nú er eitt. Það á að stinga í samband við Evrópska orkunetið til að fá stabilla rafmagn en nú er. Þá vantar vatn. Vatnið neðanjarðar er uppsafnað regnvatn og verið að móta stefnu um notkun þess. Margir eru með tanka neðanjarðar.
Magnað.