Ég hef alltaf haldið upp á handbolta. hann er æði!
Það er stemmingin og stuðið. Vitaskuld verða sumir orðljótir og nánast allir telja dómarana gjörsamlega skilningslausa á handknattleik. Gildir þar einu hvort maður er á áhorfendabekkjunum eða vellinum.
Leikmenn leggja hart að sér og uppskera misjafnlega aðdáum áhorfenda. En baráttan er númer eitt til hundrað og ef áhorfendur skynja það að svo sé ekki þá er baulað á bekkjunum... Sérstaklega ef þeir eru grunaðir um leikaraskap.
Svo fagna menn sigri eða fara sárir af velli. Og svoleiðis er það.
Svo eiga allir sér sína uppáhaldsleikmenn og horfa á þá, jafnvel meira en aðra!
Svo er það baráttuherinn en þetta er hann Steini (bolur númer 11) sem stýrir hvatningarhrópum FH-inga af röggsemi og hefur raðað í kringum sig efnilegum her - þetta er hinn nýji FH-her - her framtíðarinnar.
Sannkallaðir baráttujaxlar!
Hér að neðan eru nokkur (síma)vídeó sem sýna í hnotskurn stemminguna í Krikanum - FH megin! Það sést raunar að sumir hafa áhuga á öðru og auk þess að það heyrist vel í FH hernum!
Engin ummæli:
Skrifa ummæli